PROGRAMANG MALASAKIT SA AGRIKULTURA UPDATES: INPUT SUPPORT SA MGA VEGETABLE FARMERS IPINAMAHAGI SA BARANGAY PATAG AT LUAC!

Alinsunod sa ating pangarap patungkol sa agrikultura na nakapaloob sa Comprehensive Land Use Plan(CLUP) ng Bayan ng Culion na maging “food basket” ng Calamian, ang ating Lokal na pamahalaan. Sa pangunguna ni Mayor Ma.Virginia Nakachi De Vera kasama ang Municipal Agriculture Office at SB members ay nagtungo sa mga kababayan nating nagtatanim ng Gulay (PAKBET) mula sa Brgy. Malaking Patag at Luac.

Kahapon, September 2,2021 naghatid ng karagdagang ayudang Pakbet Seeds, fertilizers at pesticides si Mayor V, sa mahigit 150 magsasaka sa Brgy. Malaking Patag at mahigit kumulang 200 na magsasaka naman sa Brgy. Luac.

Ang nasabing aktibidades ay alinsunod sa “Assistance Program to marginalized Farmers for Upland and Lowand Palay Farmers” na pinondohan mula sa 20% Development Fund ng Lokal na Pamahalaan. Patuloy ang programang pang agrikultura sa mga susunod na araw ,sa ibat ibang barangay.

#ProgramangMalasakitsaAgrikultura
#IHEAL
#Agriculture
#WorkingMayor
#AbanteCulion