Ang ating Lokal na Pamahalaan ay kinilala bilang isang Child Friendly Local Governance para sa taong 2018.

Naipasaayos ni Mayor V, Vice Totel at ng Sangguniang Bayan ang mga sira sa kalsada ng Sitio Pescadores at Sitio Bernabe ng Bgy Osmena.

Kasalukuyang binubuksan ang kalsada ng Ugnisan patungong Luac Proper para mas mapaigting ang pagabot ng mga serbisyo at programa sa ating mga kababayan.

Dahil sa pakikipagugnayan ni Mayor V, Vice Totel at ng Sangguniang Bayan sa ating minamahal na Congressman Chicoy Alvarez upang mabigyan ng alokasyon ng DPWH ang pagkongkreto ng kalsada mula sa Sitio Kabel kabel papuntang Sitio Dimipac, ay kasalukuyan ng sinisimulan ang nasabing proyekto para sa ating mamamayan at sa ating bayan.

Ang mga sitios gaya ng Layang Layang, Lamud, Detopiak, Depaculba, Biong, Chindunan, Alava, Bulok bulokan, Galoc proper at iba pa ang mga naging benepisaryo ng projektong solar street lighting ng Lokal na pamahalaan sa ilalim ng Programang Malasakit. Sinigurado ni Mayor V, Vice Totel at ng Sangguniang Bayan na mauna ang mga komunidad na di naabot ng BISELCO.

Kasabay ng pagbukas ng kalsada sa Sitio Berg ay pinasimulan naman ni Mayor V, Vice Totel at ng Sangguniang Bayan ang pagsemento sa Sitio Lele at pagpapatuloy ng pagsesemento sa Sitio Lower Butnongan mula sa pondo ng ating lokal na pamahalaan.