Inaalis na ang pansamantalang “Enhanced Regulation of Home Quarantine” sa Brgy Jardin matapos na magnegatibo sa rapid test ang nasabing indibidwal. Mananatili sa ating quarantine facility ang nasabing indibidwal. Isasailalim din sa home quarantine ang mga naging close contacts sa loob ng 14 na araw upang masiguradong masubaybayan sila at manatiling ligtas ang bawat isa.

Inaasahan ang bawat isa na maging mapagmasid at boluntaryong ipabatid sa ating mga kinauukulan kung may mga indibidwal sa ating mga komunidad na nagmula sa ibang munisipyo. Ang kaligtasan at pagpapanatili sa ating bayan bilang Covid Free ay ang ating prayoridad.